Gjatë një ndeshje futbolli në Rheinland-Pfalz të Gjermanisë janë goditur 35 njerëz nga rrufeja, ndër ta 30 fëmijë. Tre të rritur thuhet të kenë marrë dëmtime serioze. Arbitri, sipas të dhënave të policisë, thuhet të jetë goditur direkt nga blici.
Pasi dëshmitarët i kanë dhënë ndihmën e shpejtë, një helikopter ka ardhur për ta transportuar në spitalin më të afërt. Moti i keq mesa duket i ka kapur të gjithë të papërgatitur. “Sipas dëshmive të njerëzve të pranishëm, nuk kishte shi dhe as re të zeza,” deklaroi një folës i policisë.
