Një nënë nga India u ka dhënë jetë binjakëve të cilët ndajnë të njëjtat këmbë.
Binjakët – një djalë dhe një vajzë – ndajnë gjithashtu edhe pothuajse çdo organ vital.
Pas lindjes, gjendja e tyre filloi të përkeqësohej dhe kështu ata u dërguan në kujdes intensiv. Sapo gjendja e tyre u përmirësua, doktorët i dërguan në një spital më të madh.
Prindërit e binjakëve thanë se nuk ia kishin idenë se gruaja do të lindte binjakë të ngjitur, pavarësisht kontrolleve të njëpasnjëshme. “Nuk mund ta besoj se fëmijët e mi janë të ngjitur”, tha ajo. “Jam shumë e pikëlluar dhe kisha shpresa se doktorët mund t’ua shpëtojnë jetën, por tani nuk e di se çfarë do të ndodh me ta”, shtoi ajo.
