Vaginat nuk janë të njejta. Ato janë të ndryshme. Një faqe interneti “Labia Library”, tregon një shuëllojshmëri të vaginave me foto nga kënde të ndryshme, vetëm të na tregojnë se sa shumë lloje ka. Ja disa gjëra që e bëjnë të veçantë vaginën tuaj:
- Buzët
OK, të gjithë e dinim se ka variacione të madhësisë së buzëve të vagnës, mirëpo një studim i bërë nga Women`s Health i bërë me 168 femra tregoi se labia minora e majtë është e gjërë mesatarisht 2.1 cm, me një shtrirje prej 0,4 deri në 6,4 cm. E djathta është e mesatare 1,9 cm me një shtrirje prej 0,3 deri në 7,0 cm. Labia minora e majtë është e gjatë mesatarisht 4 cm me shtrirje prej 1,2 deri në 7,5 cm; e djathta është me mesatare 3,8 me shtrirje prej 0,8 deri në 8,0 cm. D.m.th dy anët kurrë nuk janë simetrike, që ndoshta dikush prej nesh nuk e dinte.
- Vendosja dhe madhësia e klitorit
Isha e habitur me personat që nuk mund të gjenin klitorin pasiqë supozoja se është i dukshëm. Por ja që nuk është ashtu për secilin, pasiqë edhe klitori ka variacione të shumta. Jo vetëm që mund të jetë i vendosur afër apo larg hapjes, por edhe madhësia dallon shumë.
Gjerësia e klitorit shtrihet prej 0,2 deri në 2,5 cm me një mesatare prej 0,8 cm. Gjatësia e klitorit ishte mes 0,4 deri në 4,0 cm me një mesatare prej 1,6 cm.
- Brendësia
Studimi tregoi se gjatësia mesatare e vaginës është 9,6 cm me një shtrirje prej 6,5 deri në 12,5 cm. Nëse keni madhësinë e vogël, mos u brengosni pasiqë vagina gjatë seksit zgjerohet dhe zgjatet.
- Ngjyra
Ngjyra mund të jetë gjithçka që ka një ylber, dhe nuk d.t.th se ngjyra e vaginës duhet të përshtatet me ngjyrë e lëkurës. Disa kanë labia ngjyrë rozë ndëra të tjerat kanë ngjyrë kafe, të kuqe apo ngjyrë vjollcë. Ndonjëherë labia ka të njejtën ngjyrë sikurse lëkura, mirëpo shpesh është me ngjyrë më të hapur apo më të errët sikurse buzët në fytyrën tuaj.
- Sasia e shkarkimit
Lëngu nga shkarkimi juaj ndryshon përgjatë ciklit, gjë që të gjithë e dini, mirëpo ndryshon nga femra në femër. Woman`s Day raporton se sasia mesatare e shkarkimit vaginal tek femrat e moshës së riprodhimit, në periudhë prej 8 orëve nxjerr 1,55 gramë. Disa femra prodhojnë më pak e disa më shumë, dallimet janë plotësisht normale!
