Presidenti i Republikës së Kosovës, Hashim Thaçi i ka dërguar një tjetër letër kryetarit të Lëvizjes Vetëvendosje, Albin Kurti ku i kërkon të respektojë afatet ligjore për emërimin e qeverisë.
“Si President i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre. Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin/en për Kryeministër”, i ka shkruar Thaçi-Kurtit, duke theksuar se ka parasysh edhe Pikën 87 të Aktgjykimit të Gjykatës Kushtetuese në rastin nr. K0103/14, e cila vëren “se nuk përjashtohet që partia ose koalicioni në fjalë do të refuzojë të marrë mandatin”, thuhet mes tjerash në letrën e Thaçit.
Për rreth dy orë zgjati ditën e djeshme takimi ndërmjet liderëve të LVV-së dhe LDK-së, të cilët nuk arritën një marrëveshje./Opinion.al
