Griezmann është një ndër futbollistët më të mirë të momentit. Ai është shumë aktiv në rrjetet sociale, ku përveç fotove e videove nga bota e futbollit, ai bën shpesh dhe postime familjare. Së fundmi ai ka lajmëruar që do të bëhet sërish prind. Gruaja e tij Erika Choperena do të sjellë në jetë një djalë.
Erika publikoi një foto shumë të ëmbël familjare në instagram. Ajo njoftoi se është shtatzënë me një djalë . Një urim Erika e mori dhe nga e dashura e Ronaldos, Georgina Rodriguez.
Kjo e fundit i tha që është e lumtur dhe tha që djali do të kujdeset për motrën e tij Mia dhe do të mbajë në kontroll të dashurit që ajo mund të ketë në të ardhmen.
Mirëpo fansat nuk e pëlqyen aspak këtë koment dhe të gjithë në një mendje i thanë se çdokush ka të drejtë të jetojë jetën e tij dhe nuk mund t’ia kontrollojë dikush tjetër. Ata i thanë që ky është një koment maskilist dhe me siguri Georgina është penduar.
