Refuzimit të ish- partneres së tij për t’u rikthyer së bashku, një 25-vjeçar nga Tirana i është përgjigjur me dhunë fizike.
Ngjarja ka ndodhur paraditen e sotme në zonën e Yzberishtit, ku 22-vjeçarja është ndaluar në rrugë nga ish i dashuri i saj.
Pasi kanë debatuar dhe e reja nuk ka pranuar të kthehet përsëri në një lidhje me të arrestuarin, djali ka filluar ta godasë në sy të të gjithë kalimtarëve.
Shtetasi M.N ka përfunduar në pranga pas kësaj ngjarje, ndërsa vajza ka pohuar në polici, se ishte ndarë prej tij prej 3 muajsh për shkak të dhunës së ushtruar.
