Kemi thënë shpesh se gafat e aktivizimit të lojtarëve të pafederuar ndodhin vetëm në Shqipëri, por diçka e tillë rezulton të jetë e pavërtetë, pasi tashmë një precedent i ngjashëm vjen nga Seria A italiane.
Skuadra e Sasuolos ka humbur në tavolinë 03 ndeshjes e javës së dytë të Serisë A, të fituar 21 në fushë ndaj Peskarës së Rei Manajt dhe Ledian Memushajt. Vendasit aktivizuan gjatë takimit një përforcim të ri të ardhur më 26 gusht nga Çezena, Antonio Raguza, por sipas Ligës së Futbollit, emaili njoftues nga ana e Sasuolos nuk ka ardhur në kohë. Kjo është dhe arsyeja që takimi është akorduar në tavolinë nga ana e Gjykatësit Sportiv në favor të Peskarës. Klubi i Sasuolos ka reaguar duke e quajtur absurd vendimin dhe ka njoftuar se do të bëjë apelim të menjëhershëm pasi të verifikojë çfarë ka ndodhur me sistemin e transmetimit të emailit.
Ky lajm ndërkohë ka gëzuar padyshim kampin e Peskarës, edhe pse për sulmuesin shqiptar Rei Manaj, i cili shënoi golin e vetëm për të tijtë në atë ndeshje, do të thotë mosnjohje e golit.
