Pritet të jepet sot vendimi për Rozeta dhe Havier Dobi, të cilët kanë dalë sot para togave të zeza. Gjykata penale do të japë sot vendimin, me konkluzionet përfundimtare të prokurorisë.
Sanitarja e shtëpisë së ish-drejtoreshës, Alda Klosi, Rozeta Dobi mbërriti në Gjykatën Penale, së bashkua me djalin e saj.
Ndërkohë, Klosi nuk është paraqitur.
Rozeta Dobi u arrestua pasi akuzohet se grabiti një shumë prej 500 mijë eurosh në banesën e ish-zyrtares së shtetit Alda Klosi dhe i fshehu në tubat e aspiratorit në banesë.
Kujtojmë se dy javë më parë, Klosi dhe sanitarja u ballafaquan me njëra-tjetrën në Prokurorinë e Tiranës. Gjatë rimarrjes në pyetje, përballë njëra tjetrës, edhe Klosi edhe Dobi këmbëngulën versionin paraprak që kanë dhanë në polici.
Ish-zyrtarja i qëndron alibisë se shumën prej 120 mijë euro e 30 mijë dollarë ja vodhi Rozeta Dobi, të cilën e kishte punësuar prej pesë vitesh. Por sanitarja ka insistuar se jo vetëm që këtë shumë ja kishte besuar shefja Klosi për t’i ruajtur, por edhe vlerën prej 400 mijë euro të gjetura në aspiratorin e kuzhinës i përkasin Alda Klosit.
