E ardhmja e Milanit me enigma

Adriano Galiani tenton të qartësojë gjendjen e Milanit, duke u shprehur se për momentin kuqezinjve nuk u nevojitet asnjë trajneri i ri. “Nuk kemi nevojë të nisim kërkimet për një trajner të ri. Mihajloviç ka një kontratë të vlefshme deri në vitin 2017 dhe në fund pasi të bëjmë llogaritë do të vendosim se cili do të jetë verdikti final”. Galiani ka folur edhe për mesfushorin Keisuke Honda që aludohet se do të largohet nga Milano. “Honda është mesfushori më punëtor tek Milani. Është roboti ynë. Nuk na e ka kërkuar kurrë largimin”. Administratori i deleguar eviton pyetjet e largimit të sulmuesit kolumbian Baka dhe afrimit të Ibrës: “Baka është një sulmues i zotë”…ka qenë komenti i Galianit i cili pasi pyetet për afrimin e Ibrahimoviçit, nis të vrapojë duke u larguar sa më shumë nga mediat.