Interi do të duhet që të marrë një vendim për sulmuesin Romelu Lukaku. Humbja e finales së Stambollit është në disfavor të belgut, pasi në rast fitoreje drejtuesit zikaltër do të ishin gati që të bënin një sakrificë ekonomike.
Lukaku pati një mundësi mjaft të mirë në minutën e 90 të lojës kundër Sitit për të barazuar, por gaboi në goditjen me kokë. Bomberi 30-vjeçar ka qenë në të kaluarën një protagonist fatkeq me zikaltrit, në finalen e Ligës së Europës në 2019-20 dhe në eliminimin e Belgjikës nga Botërori i Katarit në ndeshjen kundër Kroacisë.
Trajneri Simone Inzagi e mbështet së tepërmi sulmuesin dhe mendon se kur ai është në formën më të mirë, është i domosdoshëm për ekipin në kampionat.
Në shtatë sfidat e fundit në Serie A, Lukaku shënoi 7 gola dhe kontribuoi në arritjen e pikëve të nevojshme për ta mbyllur kamponatin në vend të tretë dhe për të siguruar pjesëmarrjen në Ligën e Kampioneve sezonin e ardhshëm.
Plani i drejtuesve zikaltër është që ta ridërgojnë belgun te Çelsi, e më pas të ridiskutojnë për huazimin e tij, raporton Gazzettadellosport. Lukaku paguhet 11 mln Euro në sezon plus bonuset, ndërkohë që blutë e Londrës e huazuan atë për 8 mln Euro.
Sulmuesi dëshiron që të mos largohet nga Milano, edhe pse trajneri i ri i “bluve” Poçetino e vlerëson, e kjo do të ndikojë edhe në vendimin final të klubit anglez.
