Një minator ka humbur jetën ditën e sotme në një subjekt minerar në Bulqizë.
Sipas uniformave blu dyshohet se minatori 64-vjeç me iniciale S.T. , ka pësuar atak kardiak.
Ndërkohë ende nuk dihen rrethanat e ngjarjes teksa policia vijon hetimet.
“Bulqizë/Informacion paraprak
Me datë 06.01.2025, rreth orës 07.40, në hyrje të galerisë tek një subjekt minerar, shtetasi S.T., 64 vjeç, dyshohet se ka pësuar atak kardiak dhe për pasojë ka humbur jetën”, njofton policia.
Grupi hetimor po punon për zbardhjen e plotë të rrethanave të këtij rasti./Opinion.al
