Policia ka identifikuar dhe arrestuar autorin e dyshuar të ngritjes së dronit mbi ambientet e burgut të Burrelit.
Sipas uniformave blu në pranga ka rënë shtetasi T. A. 36-vjeç banues në Burrel.
“Identifikohet dhe shoqërohet në polici një 36 vjeçar, si autor i dyshuar i ngritjes së një droni mbi burgun e Burrelit.
“Shërbimet e Komisariatit të Policisë Mat, menjëherë pas marrjes së njoftimit se mbi ambientet e IEVP Burrel, ishte konstatuar një mjet inteligjent dron, i cili u neutralizua nga punonjësit e sigurisë së burgut, kanë nisur menjëherë hetimet për dokumentimin e kësaj ngjarjeje. Si rezultat i hetimeve të kryera në bazë të inteligjencës policore, u bë i mundur identifikimi, kapja dhe shoqërimi në Komisariatin e Policisë Mat, i autorit të dyshuar të kësaj ngjarjeje, shtetasi T. A., 36 vjeç, banues në Burrel. Në bashkëpunim të ngushtë më Prokurorinë dhe IEVP Burrel, po vijojnë hetimet për sqarimin dhe dokumentimin e plotë të rrethanave të këtij rasti”, njoftoi policia./Opinion.al
