Prokuroria ka lëshuar një urdhër-arresti për Indrit Shaqjan, i plagosur gjatë ngjarjes së rëndë në burgun e Peqinit, ku u vra Arben Lleshi.
Në një njoftim për mediat bëhet e ditur se Shaqjas iu gjet në qeli një telefon.
Shaqja ishte shok qelie me viktimën, i cili u qëllua me armë për vdekje nga Sokol Mjacaj, ndërkohë dyshohet se mund të ketë lidhje me vrasjen.
“Ne vijim te veprimeve hetimore te kryera ne kuader te procedimit penal nr.1459/2023 ne date 19.12.2023 eshte rikqyrur vendi i ngjarjes, vendi ku eshte vrare viktima, qe perkon me dhomen e te denuarit Indrit Shaqja ne IEVP Peqin, nga kqyrja e imtesishme e sendeve qe ndodheshin ne dhome, konkretisht nje arke druri eshte sekuetruar nje send telefon celular qe i perket te denuarit Indrit Shaqja.
Gjate pyetjes se tij ai ka pranuar pronesine e sendit telefon celular dhe ne keto rrethana eshte arrestuar nga policia gjyqesore e SHKBB per nenin 324/a K.Penal”-thuhet në njoftim.
Kujtojmë se në dëshminë e zbardhur një ditë më parë, Shaqja ka thënë se kishte marrë dy letra të shkruajtura me shkrim dore, për të kryer vrasjen e Arben Lleshit.
“Do të të paguajmë 200 mijë euro, do të sigurojmë edhe helmin që ti ta kryesh vrasjen e Arben Lleshit. Nëse je dakord na kthe përgjigje me letër”, ka deklaruar Shaqja.
