Një 63-vjeçar është shpallur në kërkimi nga policia pasi dyshohet se ka ngacmuar seksualisht djem të mitur, si dhe ka përdhunuar njërin prej tyre.
63-vjeçari me iniciale P.M. akuzohet për veprën penale të ‘Marrëdhënies seksuale ose homoseksuale me të mitur’.
“Në lidhje me një video të postuar mbrëmjen e djeshme në emisionin investigativ “Piranjat”, për një shtetas që dyshohet se ngacmon seksualisht shtetas të mitur si dhe që kishte abuzuar seksualisht me një prej tyre, ju sqarojmë se:
Më datë 08.08.2023, specialistët për Hetimin e Krimeve të Komisariatit të Policisë Nr. 3 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasit P. M., 63 vjeç, banues në Tiranë, për veprën penale “Marrëdhënie seksuale ose homoseksuale me të mitur”.
Në vijim të veprimeve është bërë shpallja në kërkim e shtetasit P. M., dhe po punohet për kapjen e tij”, njoftoi policia.
Ngjarja e rëndë u denoncua nga emisonin “Piranjat”, ku 60-vjeçari i cili punonte si roje pallati është filmuar duke kryer marrëdhënie homoseksuale në kabinën e tij, në mes të ditës me një të mitur.
Emisioni infiltroi një person i cili hiqej si i mitur dhe u takua me rojen e pallatit.
“Të hëngsha shpirtin tënd. Je shumë i mirë”, i drejtohet 63-vjeçari i cili e preku të infiltruarin në organet gjenitale dhe në trup.
