Ende është e rrethuar me pikëpyetje vrasja e 45-vjeçarit Flamur Duçi në fshatin Mborje të Korçës.
Ai u gjet mëngjesin e të enjtes i pajetë para dyqanit të tij ndërsa në trup kishte plagë të shkaktuara nga thika si dhe ishte i djegur në kokë, pasi autori ka tentuar që ta djegë me benzinë.
Policia ka njoftuar sot arrestimin e të dyshuarit kryesor për kryerjen e këtij krimi. Ai është 18-vjeçari, Devis Hoti i dënuar më parë për veprën penale “Plagosja e rëndë me dashje”. Mësohet se ai ka lidhje farefisnore me viktimën pasi është djali I hallës së babait të tij.
Ende nuk dihet shkaku që ka çuar në vrasjen e 45-vjeçarit. Në njoftimin zyrtar të policisë thuhet se dyshohet për konflikte të dobëta por gjithsesi pritet dëshmia e 18-vjeçarit për të zbardhur motivin pas këtij krimi/ Opinion.al
