Sot gjatë ditës është raportuar se një shtetase e huaj është shtrirë në QKUK pasi që ka dyshuar se është prekur nga koronavirusi.
Pas bërjes së analizave, është konfirmuar se rasti nuk ka të bëjë me virusin e shumëpërfolur, njofton Klan Kosova.
Këtë e ka konfirmuar vet QKUK përmes një postimi në Facebook.
Numri i viktimave për shkak të koronavirusit ka shkuar në 724. Komisioni Kombëtar i Shëndetësisë në Kinë raporton se 34.546 persona janë të infektuar, dhe numri më i madh i rasteve të reja është regjistruar në provincën e Hubeit dhe kryeqytetin e saj, Wuhan, epiqendrën e përhapjes së virusit që godet sistemin e frymëmarrjes. /Opinion.al
