Policia e Shkodrës dhe Forcat e Ndërhyrjes së Shpejtë me shumë gjasa kanë zbuluar vendin ku është fshehur autori i plagosjes së tre personave mesditën e sotme në mes të qytetit të Shkodrës.
Sipas policisë, autori, dyshohet se është strehuar në malin e Taraboshit, ndërsa uniformat blu kanë nisur krehjen e zonës për t’a arrestuar.
Më herët, policia, bëri me dije se ka gjetur makinën dhe pistoletën që dyshohet se është kryer atentati. Të njëjtat burime, treguan, sipas dyshimeve të para mendohet se me të është qëlluar 6-8 herë, pasi në vend janë gjetur edhe gëzhojat.
Tre personat e plagosur janë identifikuar si shtetasit, Doni Lisi, Enrik Prenushi dhe Eleona Çurku.
Burime nga policia theksuan se shtetasi Enrik Prenushi ka mbetur i plagosur aksidentalisht, pasi objektiv i atentatit ka qenë Lisi dhe vajza me të cilën ishte i shoqëruar.
Mësohet se Doni Lisi është në gjendje të rëndë shëndetësore, pasi ka marrë plumba në gjoks.
