Ditën e sotme u gjet i vdekur në makinën e tij aktori dhe anëtari i Këshillit të komunës Gjakovë, Art Kurti. Sipas Express, policia po heton pistën e vetëvrasjes, pasi në vendin e ngjarjes u gjet një pistoletë, ndërsa viktima ishte qëlluar me një plumb në kokë. Vetura në të cilën është gjetur i vrarë Art Kurti, këshilltar për rini në kabinetin e kryetari të Komunës së Gjakovës, ka qenë e një shoku të tij.
Të afërm me aktorin kanë rrëfyer për Gazetën Express se i riu gjatë kohëve të fundit ka shfaqur shenja depresioni, sikurse ka folur edhe për probleme personale. Art Kurti u gjet i vdekur mëngjesin e sotëm, në orën 07:50 në një veturë në rrugën Gjakovë-Goden në vendin e quajtur Qafa e Zabelit.
