Ministri grek i Shëndetësisë Thanos Plevris bëri të ditur se në vend, përveç rastit të konfirmuar në Kretë, ka edhe raste të tjera të dyshimta të mutacionit të Omicron.
Duke folur në ANT1, Plevris tha se janë të paktën dy raste të dyshimta në Athinë dhe nuk kanë lidhje me rastin e parë të Kretës.
“Janë nga bashkëqytetarët tanë që janë në rajone të tjera dhe kanë ardhur nga shtetet specifike. Për momentin janë të sëmurë dhe po monitorojmë nëse sëmundja e tyre kombinohet me Omicron apo Delta”, theksoi z. Plevris. Rezultatet nga laboratori priten të hënën dhe sipas ERT, dy personat kanë ardhur nga Afrika e Jugut.
Sipas informacioneve, gjendja e të dy pacientëve është e mirë pasi shfaqin simptoma të lehta dhe monitorohen gjatë qëndrimit në shtëpi./Opinion.al
