Hetuesit në Nju Orlins po përpiqen të zbulojnë, se çfarë e motivoi veteranin e ushtrisë Shamsud-Din Jabbarm të përplaste kamionin me flamurin e ISIS me një turme qe festonte Vitin e Ri, duke vrarë 15 persona e duke plagosur 30 të tjerë para se të ekzekutohej nga policia. Hetimet po fokuson nese I dyshuari, 42-vjeçar një qytetar amerikan nga Teksasi që ka shërbyer në Afganistan, është ndihmuar nga të tjerë në planifikimin e sulmit.
Hetuesit besojnë se ai nuk ka vepruar i vetëm. Po ashtu, zyrtarë të FBI thanë se po shqyrtonin gjithashtu lidhje të mundshme mes ngjarjes dhe incidentit të ndodhur të mërkurën, gjatë së cilës një Tesla Cybertruck shpërtheu në flakë jashtë Hotelit të Trump në Las Vegas, pak para rikthimit të tij në Shtëpinë e Bardhë.
Presidenti amerikan dënoi ashpër atë që e quajti akt të neveritshëm. “FBI më raportoi se disa orë para sulmit, autori kishte postuar video në mediat sociale që sugjeronin se ishte frymëzuar nga ISIS e ku shprehte dëshirën për të vrarë. Gjithashtu po hetohet edhe shpërthimi i një Cybertruck jashtë hotelit Trump në Las Vegas, dhe nëse ka ndonjë lidhje të mundshme mes dy rasteve, tha Biden.
Prania e një flamuri të ISIS në kamionin e marrë me qira, ka shtyrë hetuesit ta trajtojnë aktin si terrorist, e të shqyrtojnë lidhje me organizata të mundshme terroriste, të tilla si shteti Islamik. Brenda automjetit të autorit u gjetën pajisje të dyshuara shpërthyese. Jabbar ishte lindur e rritur ne qytetin e Beaumont, siç thotë vetë në një video promocionale të postuar 4 vite më herët, dhe punonte në një agjenci imobiliare në Houston.
CNN, që citon zyrtarë të informuar lidhur me hetimet, te thone se i dyshuari kishte regjistruar video në të cilat përmendte ëndrrën e tij për t’iu bashkuar ISIS por edhe qëllimin për të vrarë familjen, pas divorcit. Në një prej videove fliste për synimet për t’i mbledhur të gjithë familjarët në një feste, ku më pas do t’i ekzekutonte.
