Prokurorja e SPAK, Doloreza Musabelliu, është marrë në mbrojtje pas dyshimeve se grupi i Laert Haxhiut do të kryente atentat ndaj saj.
Sipas Klan Neës, është njoftuar Policia e Shtetit dhe Këshilli i Prokurorisë që të përcaktojnë mbrojtjen për prokuroren dhe familjen e saj. Musabelliu është prokurorja e cila ka në dorë dosjen e Laert Haxhiut për atë që njihet si “masakra e Lushnjes”.
Në këtë ngjarje të rëndë, në Shtator të vitit 2017 u vranë Zamir Latifi dhe Jurgen Hoxha. Për këtë çështje në shkallë të parë është dënuar me burgim të përjetshëm Orges Bilbili dhe Anterio Kaloshi.
Laert Haxhiu ndodhet i burgosur në Greqi. Ai u kap në Janinë në Maj të këtij viti
teksa po lëvizte me një makinë BMË.
Por përpara se të viheshin në pranga, ata tentuan t’i iknin policisë greke. Gjatë kësaj kohe përplasën të paktën 3 makina të tjera e më pas përfunduan duke u përplasur me një bordurë. Krahas arrestimit, policia u gjeti 3 shqiptarëve dhe 1400 Euro.
Ndërkohë pak ditë më parë Policia e Shtetit si rezultat i operacionit “Nevër Forget”, zbardhi 6 vrasje, 5 shpërthime me tritol, grabitje me dhunë dhe 3 tentativa për kryerje vrasjesh, pas bashkëpunimit me drejtësisë të të penduarit Artan Tafani. Këto krime ishin kryer nga banda e Laert Haxhiut. Edhe 39-vjeçari Tafani ishte anëtar i grupit të Laert Haxhiut, kundërshtar i Aldo Bares dhe me rrëfimet e tij ka zbuluar 19 ngjarje të rënda kriminale.
