Për të përjetuar emocionet e një diplomini në maturë duket se nuk është kurrë vonë dhe nuk duhet të jesh domosdoshmërisht 18 vjeç.
Dy veteranë të luftës në SHBA kanë përjetuar në moshën 95 dhe 85 vjeçare emocionet e hedhjes së kapeles së maturës në ceremoninë e diplomimit.
Dy veteranëve iu desh të linin shkollën e mesme më herët për t’iu bashkuar ushtrisë, por tashmë ata i janë bashkuar brezit që është duke u diplomuar në 2019-tën në SHBA.
Joe Perricone 95-vjeçar (në të majtë të fotos) u dërgua për të shërbyer në ushtrinë amerikane gjatë Luftës së Dytë Botërore në vitin 1943.
Ndonëse ai e ka marrë diplomën, sërish nuk ka mundur të celebrojë përfundimin e këtyre studimeve, shkruan CNN. Pas më shumë 70 vitesh, nipi i tij në bashkëpunim me shkollën bën të mundur që gjyshi të festonte me maturën e vitit 2019.
Në moshën 16 vjeçare Bill William Arnold Craddock (në të djathtën e fotos) iu bashkua Forcave Ajrore pa patur mundësi të diplomohej. Tashmë 85-vjeçar Craddock u shpreh për CNN që ai e përfundoi ciklin, por nuk mundi kurrë të festonte celebrimin e tij. 66 vjet më vonë, ai e bëri ëndrrën e tij realitet. “Kjo do të thotë shumë për mua”,-tha 85-vjeçari./Opinion.al/
