Policia ka njoftuar se dy persona janë arrestuar për trafik droge pasditen e djeshme në Kavajë. Të arrestuarit janë Ramadan Shabani 28 vjeç dhe Enred Duka 28 vjeç, të dy nga Kavaja. Mësohet se dy personat janë kapur në makinën e kreut të PS-së në Kavajë.
“Më datë 01.06.2017, Specialistët e Komisariatit të Policisë Kavajë, në bashkëpunim me Shërbimet e Forcës së Posaçme Operacionale në Drejtorinë Vendore të Policisë Tiranë, kanë bërë të mundur kapjen e shtetasve të shpallur në kërkim:
– Ramadan Shabani, 28 vjeç, banues në Kavajë
– Enred Duka, 28 vjeç, banues në Kavajë
Për shtetasit e sipër përmendur Gjykata e Rrethit Gjyqësor Kavajë, me vendimin e datës 01.06.2017, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”, parashikuar nga Neni 283/2 i Kodit Penal”,thuhet në njoftimin e Policisë.
Po ashtu ish kryeministri Berisha ka postuar një denoncim të ardhur nga qytetarët ku thuhej se njëri nga të arrestuarit Ramadan Shabani po lëvizte me makinënë e kreut të PS-së në Kavajë nga ku edhe u arrestua nga Policia.
“Në makinen e Gentian Dajes, Kryetarit te Partise se krimit ne Kavaje, antidroga kap kokaine. Lexoni mesazhin dhe shikoni fotot.
‘Doktor lajm i fundit ne Kavaje, Rem Shabani kapet me kokaine nga forcat e rendit teksa levizte me makinen e kreut te PS Gentian Daja. Makina e Gentian Dajes, Audi me targa AA202NO drejtohet nga Shabani i cili eshte mik i ngushte i Gentian Dajes. Fotot me poshte jane bere sot pas aksionit ku u gjet droge ne makinen e kreut te PS.'” – thuhet në SMS.
/opinion.al
