Dy tërmete të njëpasnjëshëm kanë goditur Greqinë mëngjesin e sotëm.
Sipas mediave greke mësohet se tërmetet me magnitudë 5.8 dhe 4.5 të shkallës Rihter, me 17 km nga ishujt Strofades, janë ndjerë edhe në Kretë.
Tërmetet kanë pasur një distancë kohore rreth 1 minutë nga njëri-tjetri.
Sipas kreut të Organizmit të Parashikimeve dhe Planifikimeve Antisizmike Efthimios Lekkas bëhet fjalë për një tërmet të madh që nuk sjell shqetësim sepse ka ndodhur në një zonë detare që jep tërmete të tilla.
Ndërkohë raportohet se epiqendra e saktë ka qenë 25 kilometra në lindje të Strofades.
Deri tani nuk ka njoftime për dëme në njerëz apo materiale./Opinion.al
