Dy të rinj, të prezantuar si shtetas të huaj kanë vjedhur një shumë të konsiderueshne parash në një pikë të këmbit valutor në Shkodër.
Dy shtetasit janë prezantuar si ukrainas dhe kërkuan këmbimin e një shume të konsiderueshme.
Pasi kanë kërkuar shumën e parave në euro, personi në këtë pikë shërbimesh i ka bërë gati eurot të ndara në dy zarfe duke qëndruar në pritje që dy të huajt ti sillnin lekët.
Përpara se të largoheshin dy rinjtë, mësohet se kanë ndërruar zarfet duke marrë ato me euro dhe duke lënë dy zarfe bosh.
Për rastin është bërë denoncimi në policinë e Shkodrës ndërsa kjo pikë shërbimesh kërkon ndihmën e kujtdo që në rast se i shohin diku të lajmërojnë menjëherë policinë.
Gjithashtu është bërë kqyrja e kamerave të sigurisë në rrugët e qytetit për të bërë të mundur gjetjen dhe identifikimin e dy të huajve që vodhën eurot.
