Policia e Tiranës ka parandaluar vjedhjen e një banese, si dhe ka arrestuar në flagrancë autorët. Në pranga ranë 22-vjeçarët Xh. H., dhe B.Z. , të dy lindur dhe banues në Fushë-Krujë.
Ata janë kapur në momentin që po tentonin të vidhnin një banesë në zonën e terminalit të autobusave të jugut, ndërsa në momentin e arrestimit policia iu ka sekuestruar dhe një shumë lekësh të sapo vjedhura dhe sendet me të cilat bën thyerjen e shtëpisë.
Gjithashtu janë zbardhur dhe katër raste vjedhjesh të tjera të ndodhura më parë në zonën e varur nga Komisariati i Policisë Nr.6, ku dyshohet se autorë janë po këta dy të rinj./Opinion.al
