Tre oficerë policie kanë mbetur të vrarë nga dy sulme kamikaze mbrëmjen e djeshme në Gaza ndërsa dhjetëra të tjerë kanë mbetur të plagosur. Sulmet vijnë pas operacionit të bërë nga policia në Hamas kundër militantëve të ISIS.
Shpërthimi i parë u bë nga një motor, pranë një pike kontrolli policor dhe la të vrarë dy oficerë palestinez dhe nj tjetër të plagosur rëndë.
Shpërthimi i dytë, më pak se një orë më vonë, vrau një oficer tjetër dhe plagosi disa të tjerë në një pikë kontrolli të veçantë, tha ministria e brendshme e Hamasit.
Pas ngjarjes u shpall gjendja e jashtëzakonshme dhe qindra forca sigurie u vendosën në rrugët e Rripit të Gazës.
Hamasi është përballur me kundërshtim të brendshëm periodik nga militantë islamikë më ekstremistë- përfshirë ata të lidhur me ISIS – dhe së fundmi liroi anëtarët e fraksioneve ekstremiste si një gjest të vullnetit të mirë. /Opinion.al
