TIRANE- Kryetari i ri i Bashkisë Erjon Veliaj ka dalë sot para komunitetit, arkitektëve dhe mbi të gjitha para kamerave për të shpjeguar projektin për reahabilitimin dhe zgjerimin e parkut tek Liqeni i Kasharit. Një zonë krejt e njohur dhe e paaksesueshme deri tani nga qytetarët. Nëse kjo do të bëhet do të ishte vertet me vlera për mijëra banorët e zonës.
Por ajo që të bën çudi është fakti se pse z.Veliaj duke e nisi në këtë formë prezantimi dhe diskutimi publik projektin për Këndin e Lojërave në mes të parkut të Liqenit Artificial?
Kujtojmë se Bashkia filloi ndërtimet atje dhe Kryetari Veliaj u mjaftua me dy foto në Facebook për të treguar se si do e bëjë këtë park të bukur për fëmijët.
Gjatë fjalës së tij sot në Kashar, Veliaj tha se Bashkia do të zhvillojë një proces të gjerë konsultimesh me banorët e Tiranës dhe në veçanti me ata të zonës së Kasharit.
“Ne do të bëjmë një sërë konsultimesh, fillimisht duke e prezantuar këtu me banorët e zonës, për të kuptuar vlerën që ky investim i bashkisë i sjell gjithë zonës së Kasharit. Së dyti, për të shfrytëzuar dy muajt e ardhshëm, duke filluar nga sot, në njësinë administrative të Kasharit, kushdo që ka një ide plotësuese ose sugjerim si mund të bëhet më mirë, mund ta sjellë. Më pas do të bëjmë një diskutim të dytë për të parë se cilat ide mund ta pasurojnë akoma më shumë këtë projekt”, tha Veliaj.
Pyetja e vetme që lind është pse nuk iu drejtua me këtë gjuhë dhe pse nuk i ftoj për sugjerime Veliaj, banorët e Tiranës kur nisi të ndërtonte këndin e Lojërave në mes të Parkut të gjelbërt të Liqenit Artificial? /Opinion.al
