Tre të moshuar në Greqi janë dhunuar brutalisht nga dy shqiptarë, të cilët më pas i kanë grabitur.
Mësohet se njëri prej grabitësve nga Shkupi dhe bashkëpunëtori i tij shqiptar, morën me qira një makinë në Athinë, i vendosën targa të vjedhura dhe udhëtuan drejt fshatit Dorizë të Arkadisë.
Aty hynë në shtëpinë ku jetojnë të moshuarit, dy gra dhe një burrë, të cilët autorët i lidhën dhe i dhunuan.
Hajdutët u larguan duke marrë 19.000 euro kesh dhe stoli me vlerë rreth 10.000 euro.
Grabitësit, me precedentë të mëparshëm penal në grabitje, u arrestuan në pyll ku ishin arratisur.
Tre të moshuarit janë dërguar në spital për të marrë ndihmën e mjekësore.
