Të paktën 13 persona kanë vdekur nga dy shpërthime mbrëmjen e sotme, e shtunë, në Stamboll, raporton Reuters.
Më parë mediat raportuan se nga shpërthimet mbeten të plagosur 20 persona, por tragjedisë iu shtua edhe humbja 13 jetëve njerëzore.
Ministri i Brendshëm, Süleyman Soylu, konfirmoi sulmin me bombë pranë stadiumit.
Mediat vendase shkruajnë se shpërthimet kanë ndodhur pranë stadiumit të Beshiktashit, pas përfundimit të ndeshjes; Beshiktash-Buraspor.
Shpërthimi ka ndodhur rreth orës 22:30, me orën lokale dhe mendohet se ka ardhur nga një makinë bombë, e cila ka pasur objekt sulmi një autobus të forcave të rendit, transmeton kanali privat NTV.
Mediat turke kanë bërë me dije se janë dëgjuar edhe të shtëna me armë zjarri.
Në vendngjarje, kanë mbërritur menjëherë, një numër i madh autoambulancash dhe forca të shumta policie.
