Kryeparlamentarja Elisa Spiropali njoftoi sot se dy salla në Parlament do mbajnë emrat e politikanëve të ndjerë, Bashkim Fino dhe Gerti Bogdani.
Në nisje të Kuvendit, Spiropali tha se të dy ishin politikanë me integritet që kanë dhënë kontribut të çmuar.
Të pranishëm në sallë ishin edhe familjarët e tyre.
“Nderuam kontributin e dy politikaneve dhe parlamentarëve të shquar të Shqipërisë të cilët janë ndarë nga jeta para kohe, Bashkim Fino dhe Gerti Beogdani, duke emërtuar dy salla këtu në mjediset e sallës së seancave me emrat e tyre. Në sallë janë familjarët e tyre, të cilët i përshëndes ngrohtësisht.
Bashkim Fino dhe Gerti Bogdani ishin dy politikanë aktiv me integritet të lartë, prindër që frymëzojnë për me kontributin, dashurinë dhe mirësinë që na kanë dhënë ne. Ishte kjo arsyeja për të emëruar këto dy salla”, tha Spiropali.
