Ministria e Shëndetësisë konfirmoi gjatë orëve të mbrëmjes se dy persona janë të infektuar nga koronavirusi.
Të infektuarit janë babë e bir të moshës 54 vjeç dhe 28 vjeç. Ata kanë udhëtuar nga Firence në Tiranë duke kaluar nga pika kufitare Hani i Hotit.
Ndërkohë, ka reaguar zëvendëskryeministri Erion Braçe, i cili u ka bërë apel qytetarëve që të ruajnë qetësinë dhe zbatojnë këshillat e dhëna gjatë kësaj kohe nga mjekët.
Braçe thekson se çdo person që ka ardhur nga Italia në Shqipëri dhe shfaq simptoma e koronavirusit të telefonoj 127.
“Tani duhet qetesi, vetekontroll, disipline per te zbatuar cdo protokoll dhe çdo rregull të shpallur, vendosmëri per te mos lejuar perhapjen kudo! Çdokush qe ka hyre nga Italia ne Shqiperi dy javet e fundit dhe ka shenja te gripit, te telefonoje numrin 127; Cdokush qe ka hyre nga Italia ne Shqiperi gjate dy javeve te fundit duhet te vetekarantinohet per 14 dite; Pjesa tjeter eshte higjena, higjena, higjena! Lani duart shpesh dhe per 40 sekonda me uje e sapun, dizinfektoini me solucione me baze alkoolin; Te gjitha vendet me grumbullime te medha, posacerisht shkollat duhet te 100 fishojne kujdesin ndaj higjenes; Mos prekni gojen, hunden e syte më duar te palara, virusi hyn ne trup prej tyre! Mbroni femijet dhe te moshuarit! Ështe detyre!”, shkruan Braçe./ Opinion.al
