Kanë kaluar tashmë 2 muaj që nga vrasja e 14-vjeçarit Martin Cani, i cili u qëllua me thikë disa metra larg shkollës “Fan Noli” nga bashkëmoshatari i tij.
Prindër, qytetarë, të rinj dhe aktivistë të shoqërisë civile kanë protestuar sërish për ngjarjen e rëndë në shkollën “Fan Noli” ku mbeti i vrarë 14-vjeçari Martin Cani.
Pas grumbullimit në shkollën “Fan Noli” ata marshuan drejt ministrisë së Arsimit.
Të pranishëm në protestë ishin edhe prindërit e Martinit. Babai i 14-vjeçarit bën thirrje për zbardhjen e ngjarjes.
Ndërkohë nëna e Martinit 14-vjeçar shprehet se kërkon drejtësi për vrasjen e të birit.
