Dy 24-vjeçarë kanë përplasur me automjetet që drejtonin 31 bagëti të imëta dhe dy çobanët që I ruanin ato në fshatin Suk 1 të Roskovecit, në Fier.
Përmes një njoftimi, Policia bën të ditur se ka arrestuar të dy 24-vjeçarët që shkaktuan aksidentin.
Po ashtu bëhet e ditur se nga aksidenti ka ndërruar jetë njëri prej çobanëve, shtetasi me inicialet F.G 79-vjeç, ndërkohë që ndodhet në spital nën kujdesin e mjekëve çobani tjetër, shtetasi K.H, 32-vjeç.
Materialet proceduriale iu referuan Prokurorisë së Fierit, për veprime të mëtejshme, teksa po punohet për zbardhjen e plotë të ngjarjes.
Njoftimi i Policisë:
Drejtoria Vendore e Policisë Fier
Në vijim të informacionit të dhënë mbi aksidentin e mbrëmshëm, informojmë se specialistët e Sektorit të Qarkullimit Rrugor arrestuan në flagrancë shtetasit Q. M., 24 vjeç dhe L. M., 24 vjeç, të dy banues në Roskovec, pasi me automjetet që drejtonin, kanë përplasur 31 bagëti të imëta që lëviznin në fshatin Suk 1, Roskovec, si dhe 2 çobanët që ruanin bagëtitë, shtetasit F. G., 79 vjeç dhe K. H., 32 vjeç. Si pasojë, ka humbur jetën 79-vjeçari, si dhe është dëmtuar shtetasi K. H., i cili ndodhet në spital, në kujdesin e mjekëve.
Materialet procedurale iu referuan Prokurorisë së Fierit, për veprime të mëtejshme.
