Dy kardinalë të shquar të kishës katolike, Burke dhe Brandmuller u kanë kërkuar peshkopëve që të mos heshtin më dhe të denoncojnë rastet e abuzimeve seksuale dhe t’i jepet fund “agjendës” së Papa Françeskut për abuzimet seksuale të priftërinjve, ku fajësohet kisha.
Kjo kërkesë e tyre ka ardhur në vigjilje të samitit të jashtëzakonshëm të kërkuar nga Papa që do të mbahet në Romë për të diskutuar për skandalet seksuale të kishës katolike.
Përmes një letre të hapur kardinalët shkruajnë se kisha katolike e ka adresuar në mënyrë të padrejtë fenomenin e abuzimit me pushtetin si shkakun kryesor të këtyre skandaleve.
Letra e tyre vijon me një kritikë për Papën duke theksuar se abuzimet seksuale që janë adresuar këto kohë kanë ndodhur nga priftërinj që e kanë humbur besimin tek Ungjilli dhe tek Zoti duke u kthyer në mëkatarë.
Sipas tyre është fajësuar pa të drejtë kisha, si shkaku i skandaleve seksuale të ndodhura më herët. Kujtojmë se pak kohë më parë Papa Françesku ka pranuar të kenë ndodhur abuzime seksuale të priftërinjve me murgesha, disa prej të cilave kanë mbetur shtatzënë për të abortuar më pas./Xh.K/Opinion.al/
