Shkon në 30 numri i personelit shëndetësor të shëruar nga COVID-19.
Lajmi i mirë u bë i ditur nga ministrja e Shëndetësisë dhe Mbrojtjes Sociale Ogerta Manastirliu, nëpërmjet një postimi në faqen e saj në Facebook.
Manastirliu njoftoi se janë shëruar edhe 2 infermierë të prekur nga COVID-19, ndërsa në total 182 qytetarë e staf mjekësor janë shëruar nga virusi.
Më herët, Ministria e Shëndetësisë, njoftoi se në 24 orët e fundit janë konfirmuar 7 raste të reja me COVID-19, duke e cuar totalin e të infektuarve në vend në 416 raste./Opinion.al
