Vazhdojnë luftimet në Sudan për të marrë pushtetin midis ish-miqve të diktatorit Omar al-Bashir, i rrëzuar nga grushti i shtetit të vitit 2019, gjeneralit dhe kreut të juntës ushtarake Abdel Fattah al Burhan dhe zëvendësit të tij Mohamed Hamdan Dagalo, i cili ka një milici të armatosur dhe konsiderohet njeri shumë pranë Rusisë.
Granata dhe artileri dëgjohen kudo në Khartoum. Këtë e ka bërë të ditur një burim i kualifikuar i cili ndodhet me persona të tjerë në kryeqytet. Ndërkohë, tre punonjës humanitarë nga Pam-Ëfp, Programi Botëror i Ushqimit i OKB-së, u vranë në rajonin e Darfur. Ngjarja ka ndodhur në zonën ku ushtria dhe paraushtarakët luftojnë që nga e shtuna.
Sudani, një nga vendet e pasura me burime të Afrikës, duket se po zhytet në mënyrë të pashmangshme drejt luftës civile.
