Dy persona kanë mbetur të plagosur gjatë dy aksidenteve të ndodhur mbrëmjen e sotme në Tiranë.
Aksidenti i parë u regjistrua tek ish-sheshi “Shqiponja”, ku një automjet përplasi një motor, dhe për pasojë drejtuesi i këtij të fundit mbeti i plagosur.
Në aksidentin e dytë të ndodhur në rrugën e “Kavajës”, mbeti i plagosur një 21-vjeçar, pasi u përplas nga një kamion. Mësohet se i riu në momentin e aksidentit ishte duke udhëtuar me biçiklet.
21-vjeçar është transportuar për në spital ku po merr ndihmën e nevojshme mjekësore, ndërsa drejtuesi i kamionit është shoqëruar në polici./ Opinion.al E.Xh.
