Kryetari i Gjykatës së Lartë Ardian Dvorani është shprehur se kjo gjykatë ka nisur funksionin e pjesshëm, pas marrjes së detyrës së tre anëtarëve të rinj.
Duke iu përgjigjur interesit të medias, Dvorani ka deklaruar se Gjykata e Lartë po vijon me intensitet punën për shqyrtimin e çështjeve.
Ai thekson se; “Jemi të vendosur dhe të angazhuar që së bashku me KLGJ, JFA (projekti i USAID Justice For All), EURALIUS dhe institucione të tjera ndërkombëtare, të marrim dhe të zbatojmë çdo masë që i shërben jo vetëm cilësisë së dhënies së drejtësisë por edhe përshpejtimit dhe rritjes së numrit të çështjeve që prej vitesh presim të shqyrtohen. Këto ditë dhe pa vonesë do të bëhen publike dhe do të vihen në zbatim të gjitha objektivat e këtij bashkëpunimi. Gjykata e Lartë prej kohësh ka kryer punë përgatitore dhe ka marrë masa për të mundësuar funksionimin e saj me të gjitha kapacitetet e mundshme. Tashmë me emërimin e 3 gjyqtarëve të rinj Gjykatës së Lartë i është rikthyer pjesërisht funksionaliteti, ndaj ka filluar dhe po vijon me intensitet punën për shqyrtimin e çështjeve.”/ Opinion.al
