Partia Demokratike ka depozituar këtë të martë në SPAK një padi për kryetaren e Bashkisë Durrës, Emirjana Sako.
Sipas PD-së, Sako refuzoi të përgjigjej në komision Hetimor për inceneratorët dhe u largua gjatë marrjes në pyetje si dëshmitare.
Në një dalje për mediat nga selia blu, deputetja e PD-së, Ina Zhupa theksoi se Sako e çoi Durrësin në katastrofe mjedisore, duke favorizuar sipas tyre inceneratorin.
“PD ka nisur denoncimin e kësaj afere prej vitesh. Komisioni i Inceneratoreve vërtetoi atë qe ka thënë PD, qe qeveria “Rama” vodhi 430 mln euro. Ne fund te konferencës do dorëzojmë padi penale ne SPAK. Sot do shpjegoj skemën korruptive, mafioze te mbetjeve ne qytetit te Durrësit qe ka përgjegjës direkt znj.Emiriana Sako, pjese e kësaj skeme kriminale është edhe z.Alqi Bllako qe është gjithashtu edhe ne këtë skeme te mbetjeve te qytetit të Durre3sit. Znj.Sako u paraqit ne komisionin hetimor për inceneratoret dhe nuk arriti dot qe ti përgjigjej pyetjeve te komisionit dhe u largua pa dhënë përgjigjet, qe kishin nevojat qytetarët e Durrësit dhe gjithë shqiptareve. Sigurisht qe edhe refuzimi për t’iu përgjigjur pyetje edhe kjo është pjese e padisë penale. Skema mafioze e menaxhimit te mbetjeve ne qytetin e Durrësit ka nisur ne datën 10.07.2018 me vendim numër 537 te Këshilli Bashkiak te Durrësit, i cili i drejtohej Komitetit te AKUM PER shpalljen e gjendjes se emergjencës dhe gjetjen e zgjidhjes PR sa i përket mbetjeve me qytetin e Durrësit. 10.07.2018 ku ishte evidentuar dhe me pas mbyllja e Porto Romanos dhe nevojës për te depozituar mbetjet e qytetit te Durresit ne një qytet tjeter, deri në 10.06.2019, nuk është bere asgjë. Një vit e gjysmë qe Emiriano Sako me veprimet dhe mosveprimet e saj, ka çuar Durrësin drejt një katastrofe mjedisore, duke mirë menduar qe kjo t’i shërbejë aferës se inceneratoreve”, tha Zhupa.
Një ditë më parë Partia Demokratike paditi kryebashkiakun e Tiranës Erion në SPAK pikërisht për çështjen e Inceneratorëve.
Kryetarja e Komisionit Hetimor për Inceneratorët, Jorida Tabaku tha se PD do të dorëzojë fakte shtesë në SPAK për sa i përket kryebashkiakut të Tiranës, Erion Veliaj, i cili sipas saj është i përfshirë në këtë aferë.
