Sezoni turistik duket se nis më herët këtë vit, ndaj edhe përgatitjet janë të dukshme kudo në zonën e plazhit.
Kontratat me agjenci të huaja janë lidhur prej kohësh ndërsa menaxherët e hoteleve thonë se që në muajin Prill pritet ardhja e grupeve të para me turistë të huaj. Bazuar dhe tek kontratat, pritshmëritë janë që ky vit turistik të jetë më i mirë.
Në pikun e sezonit turistik duket se do të jetë e vështirë të gjenden dhoma të lira, pasi muaji Korrik dhe Gusht nuk kanë më hapësira për rezervime.
Shumica e hoteleve cilësore në zonën turistike nga Durrësi deri në Qerret, në një vijë bregdetare po aplikojnë paketat ‘all inclusive’, ku turistët e huaj kanë të parapaguar ushqimin, akomodimin, aksesin në plazh dhe SPA Center.
Ajo që vihet re gjatë dy viteve të fundit në këtë zonë është edhe rritja e ndërtimeve të reja, pasi ka një kërkesë në rritje nga viti në vit nga ana e agjencive të huaja turistike për bregdetin shqiptar.
Tv Klan
