Të shtëna me armë zjarri janë regjistruar mbrëmjen e stome Durrës. Mësohet se si pasojë e të shtënave dyshohet se kanë mbetur të plagosur 2 person.
Ngjarja ka ndohur në lagjen Nr.13, pranë një lokali, deri më tani ende nuk dihet dinamika e saj. Të plagosurit janë dërguar në spitalin rajonal të Durrësit dhe po marrin mjekimin e nevojshëm mjekësor. Sherri ka ndodhur për motive banale, ndërsa ka degjeneruar deri në përdorimin e armës së zjarrit.
Bëhet me dije se policia ka shoqëruar 6 persona, mes tyre dhe autori i ngjarjes. Ndërkohë, grupi hetimor ndodhet në vendngjarje dhe po punon për zbardhjen e rrethanave të plota të plagosjes.
Njoftimi i policisë
Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personve, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.
Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit. Grupi hetimor ndodhet në vendngjarje dhe po punon për zbardhjen e ngjarjes.
