Policia e Durrësit ka dhënë detaje për vrasjen që ka ndodhur sot në orët e para të mëngjesit, në Shkallë të Manzës në Durrës.
Kështu, sipas Policisë, autori është Miran Tila, 43 vjeç, banues në Manëz të Durrësit. Nga hetimet e policisë, rezulton se Tila dhe viktima, Arben Hasa, banues në Karpën të Maminasit ka qenë shokë të ngushtë.
Tila dhe Hasa po udhëtonin me një automjet tip BMW me targa AA 938 DR ditën e sotme në orën 02:00 kur ndodhi edhe vrasja.
Policia thotë se mjeti ishte i viktimës. Ky i fundit është qëlluar me automatik pas shpine nga shoku i ngushtë, që është ende në kërkim.
Policia gjetu edhe dy fishekë dhe një gëzhojë në automjet. Pra, viktima është vrarë brenda automjetit, madje është qëlluar pas shpine nga Tila.
Shkak për këtë është një grindje e katër muajve më parë për motive banale. Duket se Tila nuk e kishte harruar ende grindjen.
Menjëherë pas vrasjes, ai e ka hedhur trupin e shokut në anë të rrugës. Pas gjetjes së trupit, nga ana e Policisë, u gjet më pas edhe automjeti i viktimës, që ishte braktisur në Shkallë të Manzës. (Panorama)
