Pas largimit të De Biasit nga skuadra e Shqipërisë, kreu i FSHF-së, Armando Duka ka folur në një deklaratë për Top Channel. Ai u shpreh se për 24 orë ka marrë me qindra oferta nga shumë persona të gatshëm për të zënë karrigen që la bosh De Biasi.
“Kanë mjaftuar 24 orë nga zyrtarizimi i shkëputjes së marrëdhënieve dhe kanë qenë dhjetëra, apo qindra mesazhe që më kanë mbushur telefonin”, ishin fjalët e tij.
Megjithatë, Duka nuk e fsheh preferencën e tij për vazhdimësinë e punës me një trajner italian, duke marrë për bazë eksperiencën e mëparshme me De Baizin që rezultoi e suksesshme. “Personalisht po kërkoj një trajner italian”, është mesazhi i qartë i Dukës rreth kësaj teme, që pritet të diskutohet gjerësisht në javët e ardhshme.
