Shkodra ishte etapa e radhës për Akademinë e Arbitrimit. Pas Tiranës, Durrësit dhe Elbasanit, projekti i nisur nga Federata Shqiptare e Futbollit u prezantua edhe në kryeqendrën e veriut, në Universitetin “Luigj Gurakuqi”.
“Është një nga prioritetet tona të këtij viti. Përpos futbollit të fëmijëve dhe Akademia e Arbitrimit. Arbitrimi është shumë i rëndësishëm në mbarëvajtjen e të gjitha garave. Në fund të fundit ky është një sport. Po e promovojmë në mënyrë që të kemi sa më shumë arbitra në dispozicion. Në Shkodër kishte interes të madh, ndërsa më pëlqeu që pjesa më e madhe e sallës ishin femra. Është mirë të jesh arbitër, sepse kjo është një formë sporti. Të siguron të ardhura të mira, ndoshta edhe si profesion i dytë, por është edhe një profesion i cili garanton vazhdimësi edhe në momentin kur shkëputesh nga fusha”, u shpreh ai.
Sipas presidentit të Federatës së Futbollit, lufta kundër gabimeve jo njerëzore është kthyer në një prioritet, me arbitra e përfshirë në favorizimin e skuadrave të caktuara që do të përjashtohen.
“Arbritrat janë temë ditë, janë në qendër të vëmendjes. Kanë qenë prej kohës kur lindi futbolli dhe kështu do të jenë. Kur ndeshjet janë të forta dhe kanë intensitet ka pasur gjithmonë polemika.Për ti shërbyer arbitrave, për të shkëmbyer eksperiencë, kemi bërë marrëveshje me federata të vogla, për shkëmbimin e arbitrave. Të kërkosh arbitra për ndeshjet në kampionat apo në Kupë është një lloj mosbesimi dhe kjo nuk është një shenjë e mirë.”, përfundoi ai.
