Presidenti i Federatës Shqiptare të Futbollit Armand Duka foli për Supersportin pas ndeshjes kundër Zvicrës dhe përsëriti atë që ka thënë edhe më parë, se ky Europian është një fitore për Shqipërinë dhe presioni nuk duhet të ndihet mbi skuadrën. Gjithsesi, Duka nuk e fsheh dëshpërimin për rastin e Gashit në fund.
“Ky është futbolli. E pritëm me shumë entuziazëm këtë kompeticion dhe shpresonim të merrnim diçka më shumë sot. “Nuk ëndërronim, por duke parë si shkoi ndeshja, na vjen keq. Sidomos rasti i Gashit ishte fantastik, ishte i vetëm, askush nuk i bënte presion dhe ishte një moment që nuk kishte më kohë.
“Na vjen keq për fillimin e ndeshjes, u pa qartë që lojtarët e ndjenë peshën e ndeshjes, të fanelës dhe të stadiumit të mbushur plot, edhe pse kemi biseduar shpesh, për ta larguar këtë presion”.
