Federata Shqiptare e Futbollit mirëpriti një nga mbledhjet më të rëndësishme të UEFA-s, “Grassroots Football Panel”.
Drejtues të zhvillimit të futbollit dhe ekspertë të disa prej federatave anëtare të UEFA-s diskutuan disa tema mbi projektet zhvillimore të këtij sporti.
Presidenti i federatës shqiptare, njëkohësisht edhe zv/president i UEFA, Armand Duka tha se projekti Grassroots për zhvillimin e futbollit të fëmijëve, duhet të jetë prioritet i çdo federate.
“Grassroots është dhe duhet të jetë çelësi i përfshirjes dhe mundësive të barabarta për të gjitha moshat dhe gjinitë. gjatë këtyre dy viteve po punojmë pa pushim për të arritur objektivat tona: Të dyfishojmë numrin e futbollistëve dhe trajnerëve
Të rrisim me 10% numrin e nxënësve të shkollave që regjistrohen në kampionatet e organizuara nga FSHF, duke rritur bashkëpunimin dhe punën tonë me shkollat. Brenda vitit 2025 ne synojmë gjithashtu edhe krijimin e shkollës së futbollit të FSHF”.
Si anëtarë të Kartës së Grassroots, FSHF nuk do të ketë prioritet vetëm rritjen e pjesëmarrjes, por edhe të mbështesë këdo që është tashmë pjesë e këtij sistemi, dhe është shumë e rëndësishme që të krijohet lidhja mes lojtarëve, trajnerëve, shkollave dhe klubeve dhe t’u mundësojmë atyre kushtet e nevojshme për t’u rritur dhe për të shijuar këtë lojë të bukur.
