Ai njihet për qëndrimet e tij ndryshe në parti. Pandeli Majko duke folur për votën e emigrantëve, në pjesën e dytë të Kongresit të PS-së iu ka kujtuar kolegëve që të mos e mendojnë gjithmonë veten në qeveri.
Në fakt zoti Majko nuk e dinte që gjithçka po transmetohej live në ERTV, deri sa dikush nga salla e njoftoi.
“Votimi i emigrantëve është shumë i thjeshtë, por nuk duhet ta mendojmë veten gjithmonë në majë të pemës, kemi qenë edhe lart edhe poshtë, duhet t’i mendojmë të dy variantet. Duhet të mendosh edhe si opozitë edhe si mazhorancë. Jemi live? Ok, në rregull, por mendova se ishte tryezë partie, e keni bërë partinë si në kohën e Ramizit, mbledhje të hapura. T’ia besojmë një kompanie ndërkombëtare që do të na ndihmonte goxha, se t’ia besojmë njërit që mund të jetë drejtor poste dhe me PD-në, mund të fikë derën”, deklaroi Ministri i Shtetit për Diasporën, Pandeli Majko. /Opinion.al
