Ndarja nga jeta e ikonës së modës Karl Lagerfeld ka tronditur shumë nga personazhet e njohur të showbizit botëror. Përmes postimeve në rrjete sociale ata kanë kujtuar punën madhështore të stilistit të njohur si dhe kanë shprehur pikëllimin për vdekjen e tij.
Edhe këngëtarja me origjinë shqiptare Dua Lipa ka kujtuar herën e parë që është takuar me Lagerfeld përmes një foto në Instagram. “U prefsh në paqe Karl Lagerfeld. Kisha nderin të të takoj një herë në Paris. Moda humbi një ikonë, por vizioni yt do jetojë përgjithmonë”,-përfundon ajo.
Lagerfeld u nda nga jeta në moshën 85-vjeçare të martën e 19 shkurtit në shtëpinë e tij në Paris./Xh.K/Opinion.al/
