Dua Lipa tani synon Amerikën! VEVO publikon klipin e saj, pjesë e tij edhe aktori i njohur

Këngëtarja shqiptare me famë botërore, Dua Lipa ka publikuar klipin e dytë të këngës ‘Be The One’, një klip ky që mesa duket do i sigurojë asaj depërtimin në industrinë amerikane të muzikës.
Kjo këngë e publikuar në emrin e kompanisë muzikore ‘Vevo’ menjëherë pas publikimit ka marrë vëmendjen e publikut për të parë ndryshimin nga klipi i parë i kësaj kënge.
Në orët e para të publikimit klipi është renditur në listën “Trending” të Youtube që do të thotë se ka arritur një numër të lartë shikimesh krahasuar me orët që është hedhur në kanal.
Dhe, dallimi që u vërejt më së shumti ishte pjesëmarrja e aktorit me famë botërore Ansel Elgort.
Ky i fundit i njohur në filmin ‘The fault in our stars’ ishte surprizë e këndshme për gjithë fansat e këngëtares.